Posts

Showing posts from March, 2009

மீதம்

எனது
சிறகுகள் வெட்டப்பட்டுள்ளன
கால்கள் கட்டப்பட்டுள்ளன
அலகுகள் மழுக்கப்பட்டுள்ளன
கண்கள் குருடாக்கப்பட்டுள்ளன
கூடு கலைக்கப்பட்டுள்ளது
எனினுமென்ன?
உயிரும் உறுதியும்
மீதமிருக்கின்றனவே
இடையறாது பறப்பதற்கு

வாக்குப்பெட்டித் திருவிழா

Image
இதோ
மணியடித்துவிட்டது
நாடகம் தொடங்கப்போகிறது
அவசர அவசரமாய்
அதாரம் பூசுகிறார்கள் எல்லாரும்
பழைய வசனங்களையே
திரும்பத் திரும்ப மனனம் செய்கிறார்கள் சிலர்
நடிகர்களின் முகவர்கள்
பார்வையாளர்களிடம்
காசுகொடுத்துவிட்டு
டிக்கெட் வாங்கக் காத்திருக்கிறார்கள்
இறந்துவிட்டார்கள்
இந்த நெரிசலில் சிலர்

நாளை
திரைவிழும்
எல்லாரும் கலைந்துவிடுவார்கள்
யாருமற்று வெறிச்சோடும் அரங்கம்

மேடை மீது செத்துக்கிடக்கும்
கதைத்தலைமையைத் தவிர்த்து